核桃煲墨魚湯
墨魚又叫做烏賊， 味感鮮脆爽口， 蛋白質含量豐富， 《本草綱目》就話它是“其名不雅， 其功殊多， 其味頗鮮， 最益婦人”， 新媽咪最俺食啦。
中醫認為， 墨魚性味咸平， 有養血通經催乳， 補脾益腎滋陰的功效， 春日食墨魚一來養肝氣令人有好心情， 二來健腎陽， 令人精神爽利。
宜家生活壓力大， 有D新媽咪心情會有小小鬱結， 所以吃D健腦提神的核桃， 可以幫助大家放鬆下心情。 它們合而為湯， 有補腎補養肝， 滋陰養血， 益氣強筋的功效， 男女老少皆宜， 尤其新媽咪多飲中可以補虛催乳，
墨魚是屬寒物， 脾胃虛寒的人要注意分量唔好食太多， 而且墨魚含膽固醇較多， 有高血脂、高膽固醇、動脈硬化等心血管病及肝病患者亦都要慎食。 還有一點， 吃墨魚要煮熟、煮透後再食， 皆因鮮墨魚中有一種多肽成分， 若未煮透就食用， 會導致腸運動失調， 好容易便秘架。
材料：
核桃30克 墨魚250克 生薑2片
烹製：
核桃洗淨稍稍浸泡， 墨魚洗淨切片。 一起與生薑下鍋， 加入清水1000毫升左右， 武火滾沸， 因為是鮮的墨魚做湯， 就唔洗煲太耐啦， 文火煲多40分鐘就搞掂， 跟住就可以下鹽飲靚湯啦。 這是一到兩人量。
